- शनिबार, २७ असार, २०८३
बुटवल, २१ माघ– उपप्रधानमन्त्री तथा अर्थमन्त्री विष्णु पौडेलले सामर्थ्य नभएकाहरुले सरकार ढल्छ भन्ने हल्ला गर्दै हिँडेको बताएका छन् ।
गृहजिल्ला रुपन्देहीमा आइतबार पत्रकारहरुसँग कुरा गर्दै उनले सरकार ढल्ने चर्चा निराधार र निरर्थक रहेको बताए । अप्ठ्यारो स्थितिमा वर्तमान सरकार बनेको र सरकारले राम्रो काम गरिरहेको जिकिर उनको थियो ।
‘जसको सरकार ढाल्ने सामथ्र्य र शक्ति छैन । उसैले सरकार ढल्छ भन्दै हिंडेको छ’, पौडेलले भने, ‘यो सरकार ०८४ सम्म जान्छ ।’
सरकार संविधानको रक्षा र कार्यान्वयन तथा विकास, सुशासनमा केन्द्रित भएको दाबी गरे । त्यसैका लागि सरकारले अध्यादेश ल्याएको दाबी पनि उनले गरे ।
मुलुकमा विद्यमान समस्याको समाधान गर्न पमुख दुई दल काँग्रेस र एमाले मिलेको भन्दै पौडेलले त्यसको नजिता आउन थालिसकेको जिकिर गरे
