- शनिबार, २७ असार, २०८३
काठमाण्डू, १७ माघ– सञ्चार तथा सूचना प्रविधिमन्त्री पृथ्वीसुब्बा गुरुङले अर्थतन्त्र आईसीयूमा रहेको स्वीकार गरेका छन् ।
‘नेपाल चेम्बर एक्स्पो’ को बिहीबार राजधानीमा उद्घाटन गर्दै गुरुङले सरकार अर्थतन्त्रका समस्या समाधानमा प्रयासरत भए पनि आईसीयूमा रहेको बताए ।
यद्यपि वर्तमान सरकार बन्दा सरकार कोमामा रहेको उनको भनाइ थियो । उनले अब छिट्टै अर्थतन्त्र लयमा फर्कने जिकिर गरे ।
‘सरकारले अर्थतन्त्रमा देखिएका समस्या समाधानका लागि काम गरिरहेको छ’, उनले भेन,‘कोमामा भएको अर्थतन्त्रलाई हामीले कमसेकम अहिले आईसीयूमा ल्याएका छौैं ।’
अर्थतन्त्रका समस्या समाधान गर्ने उद्देश्यसहित सरकारले कानुनी र नीतिगत समस्या समाधान गर्न अध्यादेश ल्याइएको उल्लेख गरे ।
