- सोमबार, २९ पुष, २०८१
काठमाण्डु, १७ मंसिर– हिजो (आइतबार) भएको कीर्तिपुर नगरपालिकाको उपनिर्वाचनको मतगणना जारी छ ।
हालसम्म ५ वटा वडाको मतगणना सकिएको निर्वाचन अधिकृत इन्दिरा कार्कीले जानकारी दिएकी छन ।
११ हजार ३ सय ४९ मतदान भएको कीर्तिपुुरमा नेपाली कांग्रेसका उम्मेदवार कृष्णमान डंगोलले अग्रता कायम राखेका छन् ।
आयोगको पछिल्लो अपडेट अनुसार कांग्रेसका डंगोलले २ हजार ९ सय ३० मत प्राप्त गरेका छन् । उनलाई नेकपा एमालेका उम्मेदवार सुरेन्द्र मानन्धरले पछ्याइरहेका छन् ।
मानन्धरले अहिलेसम्म २ हजार ३ सय ८४ मत प्राप्त गरेका छन् । त्यस्तै, नेकपा माओवादी केन्द्रका उम्मेदवार शिव शरण महर्जनले २ हजार १ सय १ मत प्राप्त गरेका छन् ।
त्यस्तै, स्वतन्त्र उम्मेदवार राजमान महर्जन १ हजार १ सय १३ मतसहित चौथो स्थानमा छन् । निर्वाचन अधिकृत कार्कीका अनुसार गणना भएको मध्ये ११ हजार १४ मत सदर भएको छ भने ३ सय ३५ मत बदर भएको छ ।
