- शुक्रबार, १ साउन, २०८३
काठमाण्डु, १२ मंसिर– प्रहरीले मकवानपुरको भिमफेदी गाउँपालिका–२ भैंसे चेकप्वाईन्टबाट अवैध लागूऔषध गाँजा १ सय ६० किलोग्रामसहित एक जनालाई पक्राउ गरेको छ ।
पक्राउ पर्नेमा गोरखा घर भएका २८ वर्षीय अमिर मिया रहेका छन । मियालाई आज बुधबार बिहान १ सय ६० किलोग्राम गाँजा सहित पक्राउ गरीएको प्रहरीले जानकारी दिएको छ ।
प्रहरी चौकी भैंसेबाट खटिएको प्रहरीले पालुङबाट हेटौंडातर्फ जाँदै गरेको प्र.३–०१९०२३ च ८०४७ नम्बरको बोलेरो गाडीलाई जाँच गर्ने क्रममा गाडीमा लुकाई छिपाई ल्याएको उक्त परिमाणको गाँजा फेला पारी बोलेरो चालक अमिरलाई पक्राउ गरेको हो ।
साथै घटनाबारे आवाश्यक अनुसन्धान भईरहेको पनि प्रहरीले जानकारी दिएको छ ।
