- शुक्रबार, १ साउन, २०८३
काठमाण्ड, १० मंसिर– प्रहरीले कपिलवस्तुबाट बाघको छालासहित एक जनालाई नियन्त्रणमा लिएको छ ।
पक्राउ पर्नेमा बुटवल उपमहानगरपालिका९५ गोलपार्कका ४१ वर्षीय विष्णुप्रसा भट्टराई रहेको कपिलवस्तु प्रहीले जानकारी दिएको छ ।
विशेष सूचनाका आधारमा सादा पोशाकमा खटिएको प्रहरी टोलीले शिवराज नगरपालिका–२ हल्लानगरबाट भट्टराईलाई नियन्त्रणमा लिएको हो ।
करुणा रेष्टुरेन्ट एण्ड लजको काउन्टरको बाहिरी बरण्डामा आइतबार साँझ शंकास्पद अवस्थामा उभिएका भट्टराईलाई खानतलासी गर्दा सेतो प्लाष्टिकको बोरामा पाटे बाघको छाला भेटिएको प्रहरीले जानकारी दिएको छ ।
उक्त छालाको लम्बाइ ६ फिट रहेको छ । छालासँगै चारवटा दाह्रा, चारै खुट्टाको पंजाका नङ्ग्रा र पनि रहेको प्रहरीले जनाएको छ ।
छालामा गोली लागे जस्तो देखिने तीन वटा सानो प्वाल रहेको प्रहरीले जनाएको छ । प्रहरीले पक्राउ परेका भट्टराईलाई सोमबार डिभिजन वन कार्यालय चन्द्रौटा पठाएको छ ।
