- शुक्रबार, १ साउन, २०८३
काठमाण्डु, ७ मंसिर– एमालेले आज राजधानीमा गर्न लागेको शक्ति प्रदर्शन र जागरण सभाको सुरक्षार्थ ५ हजार सुरक्षाकर्मी परिचालन गरिएको छ ।
एमालेले अराजकताविरुद्ध भन्दै प्रधानमन्त्री केपी ओलीकै नेतृत्वमा शक्ति प्रदर्शन गर्न लागेको हो । दरबारमार्गमा हुने जागरण सभाअघि उपत्यकाका तीनै जिल्लाबाट आएका कार्यकार्तले भद्रकालीबाट र्याली निकाल्ने छन् ।
काठमाण्डुका प्रमुख जिल्ला अधिकारी जयनारायण आचार्यले सुरक्षा व्यवस्था कडा पारिएको बताए । उनले नेपाल प्रहरी र सशस्त्र प्रहरी गरी ५ हजारभन्दा बढी सुरक्षाकर्मी परिचालन गरिने जानकारी दिए ।
ट्राफिक व्यवस्थापन सहज बनाउन ५ सयभन्दा बढी ट्राफिक प्रहरी खटाइने पनि उनले बताए ।
एमालेको शक्ति प्रदर्शन, दुर्गा प्रसाई समूह र सहकारी पीडितको आन्दोलन एकै समयमा भएकाले सुरक्षा प्रबन्ध कडा पारिएको उनको भनाइ थियो । सम्भावित अप्रिय कटना रोक्नका लागि सुरक्षा तैनाथी बढाउनुपर्ने तर्क उनको छ ।
