- शनिबार, २ साउन, २०८३
रसुवा, १९ कात्तिक– रसुवास्थित लाङटाङ हिमालमा हराइरहेका एक विदेशी पर्यटक पाँच दिनपछि भेटिएका छन् ।
स्लोभाकियन नागरिक ३४ वर्षीय ओनरेज हुसर्के सोमबार गोसाईंकुण्ड गाउँपालिका–३ मा भेटिएका हुन् । यद्यपि स्थित ३० मिटरभन्दा बढी गहिरो खोँचमा हुसर्के भेटिएका हुन् ।
धेरै गहिराइमा रहेकाले उनलाई उद्धार गर्न कठिन रहेको प्रहरीले जनाएको छ ।
रसुवा प्रहरी प्रमुख डिएसपी केशव भट्टराईले खराब मौसमका भएका कारण सोमबार हवाई उद्धारका लागि गरिएको प्रयास सफल हुन नसकेको बताए ।
मौसम खराबीका कारण उक्त क्षेत्रमा हेलिकोप्टर जान सक्ने अवस्था नरहेको भट्टराईको भनाइ थियो ।
मौसम खुलेलगत्तै विशेषज्ञसहितको टोली परिचालन गरेर उनको उद्धार गर्ने तयारी भएको भट्टराईले बताए ।
उनीसँगै बेपत्ता भएका चेक रिपब्लिकका ५० वर्षीय मारेक होलेसेक्का भने केही दिनअघि आफैं सम्पर्कमा आएका थिए भने जर्मन नागरिक ४३ वर्षीया रोवर्ड जर्ज न्यू वरलालाई उद्धार टोलीले उद्धार गरेको थियो ।
मारेक र रोवर्ड दुवैको काठमाण्डुमा उपचार भइरहेको छ ।
