- बुधबार, ६ साउन, २०८३
काठमाण्डू, २ कात्तिक- राष्ट्रिय स्वतन्न्त्र पार्टी (रास्वपा) सभापति रवि लामिछानेलाई पक्राउ गर्दैमा नडराउने टिप्पणी गरेको छ ।
कार्यबाहक प्रवक्ता मनिष झाले शुक्रबार पार्टीका तर्फबाट विज्ञप्ति जारी गर्दै लामिछानेलाई पक्राउ गरिएको प्रति आपत्ति जनाएका छन् ।
संसदीय छानबिन समितिले सहकारीमा संलग्न नरहेको पुष्टि गर्दा पनि सोही आरोपमा पक्राउ गरिनु राजनीतिक पूर्वाग्रह प्रेरित कदम रहेको ठम्याई रास्वपाको छ ।
तथापि विधिको शासनलाई सम्मान गर्दै रास्वपा राज्यका न्यायिक निकायको छानबिनलाई सघाउन सदैव तयार रहेको प्रतिबद्धता झाले जनाए । तर, कानूनी छिद्रमा टेकेर रास्वपा र सभापति लामिछानेमाथि सांधिने राजनीतिक प्रतिशोध कदापि स्वीकार्य नरहेको उनको भनाइ छ ।
बिना कारण र आधार लामिछानेलाई पक्राउ गरेर आम जनताको सहकारीमा डुबेको ८७ अर्ब अपचलन गर्नेलाई उन्मुक्ति दिने खेल सुरु भएको आरोप उनले लगाए ।
रास्वपाले सभापति लामिछानेको पक्राउलाई गिरिबन्धु, भुटानी शरणार्थी काण्ड, टेरामक्स र वाइडबडीजस्तो अर्बौंको घोटालामा आपसी समझदारीमा एकअर्कालाई बचाउंदै आएका दलहरुले नयां राजनीतिक अभियानमाथिको आक्रमणको संज्ञा दिएको छ ।
लामिछानेको पक्राउले आफूहरु नडराउने र नतर्सिने बरु परिवर्तनको लडाईं थप बुलन्द भएको दाबी रास्वपाको छ ।
रास्वपाले देशमा परिवर्तन चाहने सम्पूर्ण नेपाली जनतालाई दशकौंदेखि हुंदै आएको राजनीतिक जालझेलविरुद्ध उभिन अपिलसमेत गरेको छ ।
