- बुधबार, ६ साउन, २०८३
काभ्रे, २७ असोज- सुख्खा पहिरोका कारण अवरुद्ध अरनिको राजमार्ग एकतर्फी सन्चालनमा आएको छ ।
पहिरो पन्छाएर अवरुद्ध सडक एकतर्फी सन्चलनमा ल्याइएको काभ्रे प्रहरी प्रमुख एसपी बसुन्धरा खड्काले जानकारी दिइन् ।
काभ्रेको पाँचखाल नगरपालिका–८, पचासकिलोमा शनिबार राति सुख्खा पहिरो खलेर राजमार्ग अवरुद्ध भएको थियो ।
सम्बन्धित स्थानीय तह र सडक विभागसँगको समन्वयमा पहिरो पन्छाएर अवरुद्ध राजमार्ग एकतर्फी खुलाइएको प्रहरीको भनाइ छ ।
पहिरोले बाटो छेकेपछि दशैंको टीका लगाउन काठमाण्डुबाट हिंडेका र फर्कंदै गरेका यात्रु बीचैमा अलपत्र परेका थिए ।
राजमार्ग सुचारु भएपछि यात्रुहरु गन्तव्यतर्फ अघि बढेका छन् ।
