- बुधबार, ६ साउन, २०८३
गोरखा, २४ असोज- गोरखाको पालुङटार नगरपालिका–७ मा एक महिलाको हत्या भएको छ ।
जिल्ला प्रहरी कार्यालय गोरखाले २८ वर्षीया रश्मी कुमालको बुधबार राति १२ बजेतिर अपरिचित व्यक्तिले धारिलो हतियार प्रहार गरी हत्या गरेको जनाएको छ ।
घर नजिकै दसैंको अवसरमा आयोजित साँस्कृतिक कार्यक्रमबाट फर्किएर घरभित्र प्रवेश गर्ने क्रममा कुमालमाथि घरको दैलोमा आक्रमण भएको प्रहरीको भनाइ छ ।
गम्भीर घाइते कुमालको उपचारका क्रममा विहीबार बिहान दमौली अस्पतालमा मृत्यु भएको हो ।
कुमालको घाँटीमा गहिरो चोट छ । मृतकका श्रीमान राजु कुमाल वैदेशिक रोजगारीमा छन् ।
प्रहरीले घटनाको अनुसन्धान अघि बढाएको छ ।
