- बिहीबार, ७ साउन, २०८३
काठमाण्डु, ६ असोज– प्रहरीले क्यानडा पठाउँछु भनेर ठगेको आरोपमा एक जनालाई पक्राउ गरेको छ । पक्राउ पर्नेमा गोरखा घर भएर काठमाण्डुको गोकर्णेश्वर नगरपालिका बस्ने रामहरि भण्डारी रहेको प्रहरीले जानकारी दिएको छ ।
३४ वर्षीय भण्डारीले दुई जना पीडितबाट १८ लाख ३५ हजार ठगेको अनुसन्धानबाट थाहा भएको उपत्यका अपराध अनुसन्धान कार्यालयका एसपी काजी कुमार आचार्यले जानकारी दिएका छन ।
आरुघाट नगरपालिका वडा नम्बर–१० घर भएका भण्डारीलाई कारवाहीका लागी वैदेशिक रोजगार विभाग ताहाचलमा पठाइएको एसपी आचार्यले जानकारी दिएका छन ।
