- सोमबार, २१ असोज, २०८१
काठमाण्डु, २३ भदौ– जाजरकोटको नलगाडमा खोलाले बगाउँदा एक बालक बेपत्ता भएका छन । जाजरकोटको नलगाड नगरपालिका–३, कैनामा झुप्रे खोलाले बगाउँदा ६ वर्षीय महान थापा बेपत्ता भएको जिल्ला प्रहरी कार्यलय जाजरकोटले जानकारी दिएको छ ।
हिजो शनिबार बिहान १० बजेतिर साथीहरूसँग खोलामा पौडी खेल्न गएका थापा बेपत्ता भएका प्रहरीले जानकारी दिएको छ । उनी खोलामा हराएपछि परिवारले प्रहरीलाई खबर गरेको थियो ।
दिनभर जसो प्रहरी र स्थानीयले बालकको खोजी गरेका थिए । तर खोलाले बगाएको दुई–तीन किलोमिटर दुरीसम्म खोज्दा पनि फेला पार्न नसकिएको नलगाड–४, का वडाध्यक्ष बद्री पन्तले जानकारी दिएका छन । उनले भने, ‘प्रहरी र स्थानीय मिलेर आज दिनभरि जसो खोजी गर्यौं । तर कतै फेला पार्न सकेनौ ।’
