- शुक्रबार, ४ असोज, २०८१
काठमाण्डू, १८ भदौ- पर्यटन व्यवसायीहरुको छाता संस्था ट्रेकिङ एजेन्सिज एशोसिएसन अफ नेपाल (टान) को अध्यक्षमा सागर पाण्डे विजयी भएका छन् ।
कांग्रेस–एमाले गठबन्धनका साझा उम्मेदवार राजेन्द्र सापकोटालाई एक सय मतान्तरले पराजित गर्दै माओवादी केन्द्र सम्वद्ध व्यवसायी पाण्डे निर्वाचित भएका हुन् ।
पाण्डे ५ सय ८० मत ल्याएर विजयी हुँदा सापकोटाले ४ सय मत पाए । वरिष्ठ उपाध्यक्षमा ५ सय ५८ मतसहित कर्मा शेर्पा विजयी भए । उनका प्रतिद्वन्द्वी चोलेन्द्रबहादुर कार्कीले ४ सय ८६ मत पाए । प्रथम उपाध्यक्षमा विष्णुप्रसाद लम्साल ५ सय ३५ मतसहित विजयी भए । उनका प्रत्यासी दावा लामा तामाङले ५ सय १० मत ल्याए । द्वितीय उपाध्यक्षमा सनम शेर्पा ५ सय ४४ मतसहित विजयी हुँदा उनका प्रतिस्पर्धी निशेष थापाले ४ सय ९३ मत पाए ।
महासचिवमा राजेन्द्रप्रसाद सुवेदीलाई ५६ मतले हराउँदै सोनाम ग्याल्जेन शेर्पा विजयी भए । शेर्पाले ५ सय ५० र सुवेदीले ४ सय ९४ मत पाए ।
यस्तै सचिवमा रिन्जी जाङ्बु शेर्पा, कोषाध्यक्षमा राजेन्द्रराज वाग्ले, सहकोषाध्यक्षमा लाक्पा तेम्बा शेर्पा, महिला सदस्यमा पवित्रा तामाङ विजयी भए । खुला सदस्यहरुमा अम्बिरबहादुर गुरुङ, विनोदकुमार तामाङ, होमबहादुर विश्वकर्मा, फुर्पुछिरिङ ल्होमी (भोटे), विकास गुरुङ, सागर राई, छाप्ते लामा र राजु गुरुङ विजयी भएका निर्वाचन समितिले जनाएको छ ।
