- मंगलबार, १२ साउन, २०८३
काठमाण्डु, १६ असार– जसपानेपाल विभाजन भएपछि उपेन्द्र यादव र अशोक राई पहिलो पटक एउटै मञ्चमा देखिएका छन् ।
आज (आइतबार) माधवकुमार नेपाल नेतृत्वको नेकपा एकीकृत समाजवादीको महाधिवेशनको उद्घाटन कार्यक्रममा दुवै जना अतिथि भएर एउटै मञ्चमा देखा परेका हुन ।
यादव नेतृत्वको जसपा नेपालबाट सात जना सांसदका साथ अशोक राई गत वैशाख २३ गते अलग भएका थिए । वैशाख २४ गते राईले आफ्नो नेतृत्वमा जनता समाजवादी पार्टी नै गठन गरे । पार्टीबाट अलग भएपछि दुवै जना यसरी एउटै मञ्चमा थिएनन् ।
पार्टी विभाजनविरुद्ध जसपा नेपालका अध्यक्ष उपेन्द्र यादवले सर्वोच्च अदालतमा रिट गर्दा अल्पकालीन आदेश जारी भएको छ । अहिले सो मुद्दा फुल बेन्चमा गएको छ ।
