- मंगलबार, १२ साउन, २०८३
काठमाण्डु, ३२ जेठ– काठमाण्डुको बानेश्वरको बीत सडकमा तराई–मधेशमा पानी माग्दै रित्ता भाँडासहित मधेशवासीहरूले शुक्रबार पनि प्रदर्शन गरेका छन् ।
चुरे संरक्षण र मधेशमा पानीको अभाव समस्या समाधान गर्न माग गर्दै माइतीघरदेखि बानेश्वरसम्म उनीहरूले प्रदर्शन गरेका हुन् । बानेश्वर चोक नजिकै प्रहरीले उनीहरूलाई रोकेको थियो ।
प्रहरीले संसद भवनतर्फ जान नदिएपछि प्रदर्शनकारीले नयाँ बानेश्वरकै सडकमा बसेर खाली भाडा बजाउँदै नाराबाजी गरेका छन् ।
साथै उनीहरूले दलका नेताहरूलाई पटक–पटक आग्रह गर्दा पानीको समस्या नसुनेको भन्दै विभिन्न दलका शीर्ष नेताहरूको फोटो देखाउँदै ‘लापता, तपाई कहाँ ?, हामी यहाँ !’ प्रदर्शन गरेका छन् । आँखा खोल सरकार, चुरे बेच्न पाइँदैन, चुरे ऐन लागु गर, पानी दे सरकारलगायत नारा लगाएका थिए ।
