- मंगलबार, १२ साउन, २०८३
काठमाण्डु, २४ जेठ– एमाले सुनसरी अध्यक्ष निलम खनालको निधन भएको छ ।
बराह क्षेत्र नगरपालिकाका पूर्वमेयरसमेत रहेका खनाल लामो समयदेखि पेटसम्बन्धी रोगबाट पीडित थिए । उनलाई उपचारका लागि भारत लगिएकामा बुधबार राति बाटैमा मृत्यु भएको सो पार्टीले जनाएको छ ।
एमाले सुनसरीका सचिव राम कोइरालाले खनालको हैदरावादमा उपचार गराउँदै आएको र बुधबार फलोअप उपचारका लागि जाँदै गर्दा मृत्यु भएको जानकारी दिए ।
खनालको शव नेपाल ल्याउने तयारी भइरहेको पारिवारिक श्रोतले जनाएको छ । गत जेठ ७ मा सम्पन्न जिल्ला अधिवेशनबाट खनाल एमाले जिल्ला अध्यक्षमा निर्वाचित भएका थिए ।
