- बिहीबार, २० वैशाख, २०८१
काठमाण्डु, ३ वैशाख– कांग्रेसका नेता चन्द्रप्रसाद न्यौपानेको निधन भएको छ। न्यौपानेको महाराजगञ्जस्थित चिरायु अस्पतालमा उपचारका क्रममा सोमबार बिहान निधन भएको कांग्रेस नेता मोहन पोखरेलले जानकारी दिएका छन ।
स्वास्थ्यमा समस्या देखिएपछि सोमबार बिहान नै न्यौपानेलाई उपचारका लागि अस्पताल लगिएको थियो । ८२ वर्षीय न्यौपाने गोरखाको सिरानचोक गाउँपालिका– ४ छोप्राकका हुन् ।
उनी २०४८ सालमा जिल्ला विकास समिति गोरखाको सभापति समेत भएका थिए । २०१७ सालदेखि कांग्रेस राजनीतिमा सक्रिय उनी २०४६ सालको आन्दोलनमा गोरखाको नेतृत्व गरेका थिए। न्यौपाने कांग्रेस गोरखा उपसभापति र पटक–पटक महाधिवेशन तथा महासमिति सदस्य पनि रहेका थिए।
