- आइतबार, २८ वैशाख, २०८२
इलाम, ३ मंसिर– जनकपुरबाट शैक्षिक भ्रमणका लागि इलाम पुगेको बस दुर्घटना हुँदा एक जनाको ज्यान गएको छ ।
इलाम प्रहरीका डिएसपी बासुदेव खतिवडाले मृतकको सनाखत हुन बाँकी रहेको जानकारी दिए ।
ना६ख ८४२४ नम्बरको बस मेची राजमार्गअन्तर्गत इलामको रोङ गाउँपालिकाको किटानीमा दुर्घटना भएको हो ।
धनुषाको धारापानीबाट आएको शैक्षिक भ्रमणको टोली दुर्घटनामा परेको इलाम प्रहरीले जनाएको छ ।
बसमा ३७ जना सवार रहेकामा एक जनाको ज्यान गएको डिएसपी खतिवडाले बताए ।
३२ जनाको उद्धार गरी उपचारका लागि झापाको बिर्तामोड पठाइएको खतिवडाले बताए ।
