- शनिबार, २७ वैशाख, २०८२
पाल्पा, २८ कात्तिक– पाल्पामा मंगलबार दुई मोटरसाइकल आपसमा ठोक्किएको छ ।
पूर्वी पाल्पाको रामपुर–१० बर्दलेबाट रामपुर बजारतर्फ गइरहेको लु२१प५८४४ र सोही दिशतर्फ गइरहेको लु२१प९९०२ नम्बरको मोटरसाइकल आपसमा ठोक्किएर दुर्घटना भएको हो ।
दुर्घटनामा पाँच जना घाइते भएका छन् । प्रहरीका अनुसार घाइतेमध्ये तीन जनाको अवस्था गम्भीर छ ।
घाइते हुनेमा रामपुर–१० अदमाराका १६ वर्षीय आकाश सारु, सोही स्थानका १७ वर्षीय सुदीप सिंजालीमगर, स्याङ्जा चापकोट–९, का १९ वर्षीय विदुर भण्डारी, सोही स्थानका १९ वर्षीय सुदीप भण्डारी र ६ वर्षीय बालक एलएस भण्डारी छन् ।
पाल्पा प्रहरीका सूचना अधिकारी सुगन्ध श्रेष्ठले घाइतेमध्ये आकाश, विदुर र सुदीपको अवस्था गम्भीर छ । घाइते सबैको तानसेनस्थित युनाइटेड मिसन अस्पतालमा उपचार भइरहेको छ ।
