- आइतबार, २८ वैशाख, २०८२
काठमाण्डू, १९ कात्तिक– भूकम्पमा घरले थिचेर दुवैखुट्टा नचल्ने भएकी जाजरकोटको छेलागाड नगरपालिका–७ की सुशीला रोकायको ३३ घन्टापछि हेलिकप्टरबाट उद्धार गरिएको छ ।
शुक्रबार राति ११ः४७ बजे रामीडाँडा केन्द्र भएर गएको ६.४ रेक्टरको भूकम्पमा उनलाई आफ्नै घरले थिचेको थियो ।
सुशीलाको आइतबार बिहान हेलिकप्टरमार्फत् उद्धार भएको नगरपालिकाका प्रमुख रत्नबहादुर खड्काले जानकारी दिए।
उनका उनुसार सडकका कारण एम्बुलेन्स पुग्न नसकेकाले उद्धारमा ढिलाई भएको थियो । उनलाई बिहान नेपाली सेनाको हेलिकप्टरलेउद्धार गरी उपचारका लागि नेपालगञ्जस्थित भेरी अस्पताल ल्याइएको छ ।
सरकारले भेरी अस्पताललाई भूकम्पका बिरामीको उपचार गर्ने डेडिकेटेड अस्पताल बनाएको छ ।
