- बुधबार, २५ असार, २०८२
बाजुरा, १३ भदौ– बाजुराको बडीमालिका जात्रा गएका एक तीर्थालुको लेक लागेर मृत्यु भएको छ ।
जिल्लाको त्रिवेणी नगरपालिका–१ का २३ वर्षीय भरत बुढाको लेक लागेर मृत्यु भएको प्रहरीले जनाएको छ ।
अक्सिजनको कमीका कारण अचेत भएका उनलाई दुर्गाभञ्जन गुल्म बाजुराद्वारा सञ्चालित स्वास्थ्य शिविरमा उपचारका क्रममा गएराति मृत्यु भएको हो । उक्त गुल्मका गुल्मपति मेजर धर्मेन्द्रबहादुर सिंहले धेरै प्रयास गरे पनि उनलाई बचाउन नसकिएको बताए ।
अक्सिजन अभावर्क कारण अचेत भएकी कैलाली अत्तरियाकी ६३ वर्षीया ईश्वरी बोहोराको भने शिविरमै उपचार भइरहेको छ ।
बाजुराका सहायक प्रमुख जिल्ला अधिकारी रामकुमार तिमल्सेनाले बोहरालाई थप उपचारका लागि सैनिक हेलिकोप्टर बोलाउने तयारी भइरहेको जानकारी दिए ।
