- शुक्रबार, ५ असोज, २०८०
काठमाण्डु ,४ साउन- नेपाली कांग्रेसका सभापति शेरबहादुर देउवाले महामन्त्री गगन थापालाई जन्मदिनमा केक खुवाएका छन्।
पार्टी केन्द्रीय कार्यालय सानेपामा बिहीबारको केन्द्रीय समिति बैठक स्थगित गरेलगत्तै देउवाले महामन्त्री थापालाई केक खुवाएका हुन्। साउन ३ गतेदेखि कांग्रेस केन्द्रीय समिति बैठक जारी छ।
बैठक शुक्रबार बिहान ११ बजेसम्मका लागि स्थगित भएको छ।आज बिहान ११ बजेदेखि ५:१५ बजेसम्म चलेको बैठकमा केन्द्रीय सदस्यहरूले १० एजेन्डामाथि केन्द्रित रहेर धारणा राखेका थिए।
पदाधिकारीसहित केन्द्रीय सदस्यहरुले थापालाई खादा लगाएर शुभकामना प्रदान गरेका थिए ।महामन्त्री थापाको जन्मदिनमा सानेपामा आयोजित कार्यक्रमलाई कांग्रेसले आधिकारिक फेसबुकबाट लाइभसमेत गरेको थियो।
