- शनिबार, २४ जेठ, २०८२
काठमाण्डु,२५ चैत– सभाका सभामुख देवराज घिमिरेले नेपालमा राष्ट्रव्यापी आँखा उपचारमा लायन्स क्लबले महत्त्वपूर्ण सहयोग गरेको बताएका छन ।
आज (शनिबार) काठमाण्डुमा भएको लायन्स क्लबको अधिवेशनमा बोल्दै उनले यस्तो बताएका हुन । उनले नेपालमा अन्धोपन निवारण गर्न लायन्स क्लबले उल्लेखनीय काम गरेको बताएका छन ।
घिमिरेले वातावरण प्रदूषण बढिरहेको बेला वातावरण सफा राख्न, भूकम्पका बेला पनि राहत तथा उद्धारको काममा लायन्स क्लबले महत्त्वपूर्ण भूमिका खेलेको बताएका छन ।
उनले भूकम्पका बेला ४५ करोडभन्दा बढी सहयोग जुटाएर विद्यालय बनाउन सफल भएकोमा धन्यवाद व्यक्त गरेका छन । उनले सामाजिक काममा लायन्स क्लबले खेलेको भूमिकाको प्रशंसा गर्दै उनले आगामी दिनमा पनि सामाजिक काममा लाग्न आग्रह गरेका छन ।
