- शनिबार, ३ जेठ, २०८२
काठमाण्डु,२० चैत– कांग्रेस उम्मेदवार जितनारायण श्रेष्ठले १० वैशाखको उपनिर्वाचन आफ्ना लागि भएको बताएका छन ।
चितवन–२ बाट निर्वाचित सांसद राष्ट्रिय स्वतन्त्र पार्टीका सभापति रवि लामिछाने को सांसद पद खारेज भएपछि आफ्नै लागि उपचुनाव भएको उनले बताएका छन । उम्मेदवारी दर्ताअघि आयोजित सभालाई सम्बोधन गर्दै श्रेष्ठले यस्तो बताएका हुन ।
उनले भने, ‘जितनारायण श्रेष्ठ संसदमा पुगेन, संसदमा पुगोस् भन्न चाहनाले उपचुनाव हुँदैछ भन्ने लाग्यो ।’ त्यसअनुसार आफूले टिकट पाएको र सत्ता गठबन्धनको पनि साथ पाएको उनले बताएका छन ।
उनले आफ्ना प्रतिस्पर्धी लामिछानेतर्फ संकेत गर्दै उनले केही मान्छेले चितवनलाई उपनिर्वाचनको प्रयोगशाला बनाउन चाहेको बताए ।
उनले अघि भने, ‘तर चितवनका जनताले राम्रोसँग बुझेका छन्, चितवन प्रयोगशाला होइन ।’ उनले चितवन पर्यटकीय नगरी भएको भन्दै उनले एक पटक आउनेलाई स्वागत गर्ने बताएका छन ।
