- सोमबार, ५ जेठ, २०८२
काठमाण्डु ,१७ पुस- रौतहटमा जिपसँग मोटरसाइकल ठोक्किँदा दुई जनाको मृत्यु भएको छ ।
गौर चन्द्रपुर सडकखण्ड अन्तर्गत माधवनारायण नगरपालिका–३ सखुअवामा शनिबार साँझ ना. १ ज ६७४९ नम्बरको म्याजिक जिप र बा .३९ प ८८६५ को नम्बरको मोटरसाइकल ठोक्किँदा मोटरसाइकल मा सवार दुई जनाको मृत्यु भएको प्रहरीले जनाएको छ ।
मृत्यु हुनेमा माधवनारायण–२ का ६५ वर्षका परमात्मा प्रसाद साह र सोही पालिकाका वडा नं.२ का ६५ वर्षका गौकरण यादव रहेको प्रहरीले जनाएको छ । दुर्घटनामा गम्भीर घाइते भएका उनीहरुको सुकदेवचोकस्थित अस्पतालमा उपचारका क्रममा मृत्यु भएको जिल्ला प्रहरी कार्यालयले जानकारी दिएको छ ।
जिपका चालक लाई प्रहरीले नियन्त्रणमा लिएको छ ।
