काठमाण्डु, २६ साउन– सेयर बजार मापक नेप्से लगातार ओरोलो गालेको छ ।
नेप्से ओरालो लाग्ने क्रमले बिहीबार पनि निरन्तरता पायो । बिहीबार नेप्से परिसूचक १८.९६ अंकले घटेर २०३७.९२ बिन्दुमा पुगेर बन्द भएको छ ।
बिहीबार २ सय २३ सूचीकृत कम्पनीका १ अर्ब ७६ करोड १० लाख २३ हजार ३८ रुपैयाँ बराबरको सेयर खरिदबिक्री भयो । बुधबारको तुलनामा बिहीबार कारोबार रकममा पनि गिरावट आएको छ । हिमालयन हाइड्रोपावर सेयर मूल्य सर्वाधिक ९.९९ प्रतिशतले बढेर प्रतिकित्ता मूल्य ३ ३३ रुपैयाँ ६० पैसा पुगेका छ ।
युनिलिभर नेपाल र बुद्धभूमी नेपाल हाइड्रोपावरको सेयर मूल्यमा सर्वाधिक गिरावट आएको छ । युनिलिभरको सेयर मूल्य ८।२३ प्रतिशत र बुद्धभूमीको सेयर मूल्य ७।५६ प्रतिशतले घटेको छ ।
कारोबारमा आएका १३ समूहमध्ये म्युचुअल फण्डबाहेक १२ समूहको परिसूचक घटेको हो ।