- शनिबार, ८ वैशाख, २०८१
सुर्खेत, २३ साउन– कर्णाली प्रदेश सरकारका गैरसांसद मन्त्री छिरिङ डम्डोल (कार्चेन) लामाको कार्यकाल सकिएको छ ।
डोल्पाका स्थायी बासिन्दा लामा माओवादी केन्द्रको सिफारिसमा गत २३ माघमा प्रदेशको उद्योग, पर्यटन, वन तथा वातावरणमन्त्री बनेका थिए ।
गैरसांसद व्यक्ति प्रदेशसभा सदस्य नभएमा ६ महिनाभित्र अवकाशमा जाने संवैधानिक व्यवस्था छ । लामामाथि मन्त्री भएलगत्तै मुर्ति चोरीको आरोप लागेको थियो ।
यसैबीच माओवादी केन्द्रले लामाको ठाउँमा मन्त्री नियुक्तिको तयारी गरेको छ । सो पार्टीको संसदीय दलका प्रमुख सचेतक कृष्णा शाहले बैठक बसेर मन्त्रीको नाम सिफारिस गर्ने बताइन् ।
मन्त्रीमा डोल्पाका सांसद वीरबहादुर शाही मन्त्री बन्ने चर्चा छ ।
