- सोमबार, २४ मंसिर, २०८१
काठमाण्डु, २४ असोज– बागमती प्रदेशकी मुख्यमन्त्री अष्टलक्ष्मी शाक्यले विश्वासको मत लिने प्रस्ताव प्रदेश सभाको बैठकमा टेबल गरेकी छिन्। आइतबारको बैठकमा उनले प्रस्ताव टेबल गरेकी हुन्।
मुख्यमन्त्रीले प्रतिनिधित्व गर्ने दल विभाजन भएमा ३० दिनभित्र विश्वासको मतका लागि प्रदेश सभा समक्ष प्रस्ताव राख्नुपर्ने संवैधानिक प्रावधान छ। सोही प्रावधानअनुसार विश्वासको मतको प्रस्ताव पेस गरेको शाक्यले बताइन्।
मुख्यमन्त्री शाक्यले विश्वासको मत माग्ने प्रस्ताव पेस गरेपछि प्रदेश सभाको बैठक कात्तिक ४ गतेसम्मका लागि स्थगित गरिएको छ। अब त्यसमाथि छलफल र मतदान त्यही बेला हुनेछ।
