- सोमबार, १६ असार, २०८२
काठमाण्डु, २० साउन– विवाद टुंग्याउन एमालेमा निर्णायक कसरत भएका बेला वरिष्ठ नेता माधवकुमार नेपालले राजनीतिक र संगठनात्मक प्रस्ताव अघि सारेका छन् ।
आफ्नो प्रस्ताव संस्थापन पक्षले स्वीकार गरे एकता प्रक्रियामा लाग्ने र नभए सत्ता गठबन्धनमा सहभागी हुने नेपालको योजना छ ।
अध्यक्ष केपी ओलीसँग वार्ता गराउने दोश्रो तहका नेताहरुको प्रयास भइरहँदा नेपालले बुँदागत रुपमा आफ्नो चासो उठाएका हुन् । यसका लागि दुई दिन तयारी गर्ने नेपालको रणनीति छ । नेपालले आफ्ना सर्तबारे ओलीले आधारभूत धारणा तय गरेपछि मात्रै ‘वान अन वान’ वार्तामा बस्ने बताएका छन् । थप छलफलका लागि नेपालले बुधबार आफू पक्षधर केन्द्रीय समिति बैठक बोलाएका छन् ।
नेपालले ओलीले संसद विघटन गलत भएको स्वीकार गर्नुपर्ने, प्रतिनिधिसभा पुर्नस्थापनासम्बन्धी सर्वोच्चको फैसलाको स्वागत गर्नुपर्ने, संसदको कार्यकाल पूरा अवधि चल्न दिनुपर्ने, देउवा सरकारलाई राष्ट्रिय सहमतिको सरकारमा रुपान्तरण गर्नुपर्ने जस्ता राजनीतिक प्रस्ताव अघि सारेका छन् । यस्तै उनले पार्टीमा आफ्नो सम्मानजनक हैसियत हुनुपर्ने, समानान्तर कमिटीको पुनर्संरचना गर्नुपर्ने, सम्पूर्ण कारबाही प्रक्रिया रोकिनुपर्ने तथा पार्टी निर्णय र पत्राचारमा दुई नेताको हस्ताक्षर हुनुपर्ने राजनीतिक सर्त नेपालको छ ।
