- शुक्रबार, २७ असार, २०८२
कञ्चनपुर, ४ फागुन– प्रहरीले बैतडी दोगडाकेदार गाउँपालिका–७ की १७ वर्षीया किशोरी भागरथी भट्टको बलात्कारपछि हत्यामा संलग्न रहेको आशंकामा एक जनालाई पक्राउ गरेको छ ।
भारततर्फ जान लागिरहेका बेला उनलाई शनिबार पक्राउ गरिएको थियो । महेन्द्र नगरबाट पक्राउ गरिएका ती व्यक्तिबारे प्रहरीले औपचारिक रुपमा अहिलेसम्म केही बताएको छैन । महिला कानून व्यवसायीहरुको ध्यानाकर्षण पत्र बुझेपछि गृहमन्त्री रामबहादुर थापा बादलले प्रहरी हत्याराको नजिक पुगिसकेको बताएका थिए ।
अनुसन्धान प्रभावित हुन सक्ने भएकाले पक्राउ परेका व्यक्तिबारे सार्वजनिक नगरिएको दाबी प्रहरी श्रोतको छ । पक्राउ परेका व्यक्ति भागरथीकै गाउँ नजिकैका भएको बुझिएको छ ।
