- बिहीबार, ७ साउन, २०८३
एजेन्सी– अमेरिकी कच्चा तेलको मूल्यमा इतिहासकै सर्वाधिक गिरावट आएको छ ।
कच्चा तेलको मूल्य अहिलेसम्मकै तल झरेर ऋणात्मकमा पुगेको हो । कोरोना भाइरस (कोभिड–१९) महामारीका कारण संसार नै लकडाउनमा भएका कारण बजारमा तेलको माग ह्वात्तै घटेको छ ।
मूल्य घट्नुको अर्को कारण हो, भण्डारण गर्ने स्थानको अभाव हुनु । अमेरिकामा कच्चा तेलको मूल्य मूल्य घटेर माइनस ३७.६३ डलर प्रतिब्यारेलमा सीमित भएको बीबीसीले जनाएको छ ।
बजारमा माग घटेपछि तेल उत्पादकहरुले उत्पादन घटाएका छन् । तेल उत्पादक देशहरुको संगठन (ओपेक) ले यसअघि नै तेल उत्पादन घटाउने निर्णय गरिसकेका थिए ।
