- आइतबार, २३ भदौ, २०८१
काठमाण्डु, १२ जेठ – दोलखाको कालिञ्चोक गाउँपालिका–८ सुनखानीस्थित सोती बजारमा आगलागी हुँदा ६ घर जलेका छन् । गए राति करिब दुई बजेदेखि लागेको आगो बिहान ८ बजे मात्र नियन्त्रणमा आएको छ ।
भिमेश्वर नगरपालिकाको दमकल, सेना, प्रहरी र स्थानीयबासी मिलेर आगलागी नियन्त्रणमा लिएका हुन् । विद्युत् सर्ट भएर आगलागी भएको अनुमान गरिएको छ ।
स्थानीय घनश्याम उप्रेति, चित्रबहादुर खरेल, राजेन्द्र सेढाई र नारायणप्रसाद शिवाकोटीको घरमा आगलागी भएको हो ।
आगलागीबाट स्थानीय पदमराज शिवाकोटी र विष्णु शिवाकोटीको घरमा पनि आशिंक क्षति पुगेको इलाका प्रहरी कार्यालय सिंगटीका प्रहरी निरीक्षक सुनजीत तामाङले जानकारी दिए ।
आगलागीबाट करिब दुई कराड रुपैयाँ बराबरको क्षति भएको प्रहरीले जनाएको छ ।
आगलागीबाट इलेक्ट्रिक पसल र होटलमा क्षति पुगेको छ । आगलागीबाट करिब एक करोड ९७ लाख रुपैयाँ बराबरको क्षति भएको प्रहरी निरीक्षक तामाङले बताए ।
आगलागीमा परि बा १३ च ३४८४ नम्बरको स्कुल बसमा पनि क्षति पुगेको छ ।
