- सोमबार, ८ असोज, २०८०
क्यानबेरा, २४ वैशाख – अष्ट्रेलियाका प्रधानमन्त्री स्कट मोरिसनलाई एक जना प्रदर्शनकारीले अण्डा प्रहार गरेका छन् । 
राष्ट्रिय चुनावको क्याम्पेनका क्रममा उनीमाथि अण्डा प्रहार गरिएको हो ।अण्डा प्रधानमन्त्रीको टाउकोमा ठोक्किएपनि नफुटेको स्थानीय सञ्चार माध्यमले जनाएका छन् ।
त्यो घटनाका क्रममा एक जना बृद्धालाई पनि धक्का लागेको थियो । फुटेजमा देखिएको दृश्यका आधारमा २५ वर्षिया एक महिलालाई प्रहरीले पक्राउ गरेको छ । अण्डा फाल्ने कार्यलाई प्रधानमन्त्रीले ‘कायरतापूर्ण’ भन्ने टिप्पणी गरेका छन् ।
सो घटना स्थानीय महिला संघको एउटा कार्यक्रममा अल्बुरी भन्ने स्थानमा भएको थियो । सो स्थान क्यानबेराबाट ३३० किमी दक्षिण —पश्चिममा पर्छ । घटनामा कोहीपनि घाइते भने भएनन् ।
