- बिहीबार, ११ असोज, २०८०
काठमाण्डु, २१ बैशाख – शुक्रबार राति अबेरसम्म चलेको छलफलले नयाँ शक्ति पार्टी नेपाल र संघीय समाजवादी फोरमबीच पार्टी एकता गर्ने सहमति भएको छ ।
फोरमका अध्यक्ष यादव र नयाँशक्तिका संयोजक भट्टराईले शनिवार संयुक्त विज्ञप्ति जारी गर्दै पार्टी एकीकरणको सहमति भएको जानकारी दिएका छन् । एकीकृत पार्टीमा नयाँ शक्तिका संयोजक डाक्टर बाबुराम भट्टराई पहिलो वरीयताको अध्यक्ष रहनेछन् भने संघीय समाजवादी फोरमका अध्यक्ष उपेन्द्र यादव दोस्रो वरीयतामा रहनेछन् । भट्टराई संघीय समितिको अध्यक्ष र यादव केन्द्रीय समितिको अध्यक्ष रहनेगरी एकताको प्रक्रिया टुंगो लगाइएको हो ।
आउँदो वैशाख २३ गते सोमबार पार्टी एकता घोषणासभा हुने बताइएको छ । घोषणासभापछि नयाँ केन्द्रीय समिति गठन गरिने बताइएको छ ।
