- बिहीबार, १ जेठ, २०८२
काठमाण्डु, ११ पुस– नेकपा–माओवादीका उपाध्यक्ष सिपी गजुरेलले एमाओवादी नेता बाबुराम भट्टराईको उक्साहटमा लागेर नेत्रविक्रम चन्द ‘विप्लव’ ले पार्टी विभाजन गराएको आरोप लगाएका छन् ।
राजधानीमा सुरु पार्टीको राष्ट्रिय भेलामा शुक्रबार उनले बाबुरामको डिजाइनमा विप्लवले पार्टी फुटाएको बताए ।
विप्लव बाबुरामको योजनामा अघि बढेकाले अबको वैचारिक लडाईं विप्लवसँग नभई बाबुरामसँग हुने उनको भनाइ थियो ।
‘विप्लवले बाबुरामको योजनामा पार्टी फुटाएका हुन्’, गजुरेलले भने, ‘अबको वैचारिक लडार्इं विप्लवसँग होइन, बाबुरामसँग हुन्छ ।’
पार्टी विभाजनपछि बाबुरामले विप्लवको समर्थन गरेको भन्दै उनले कोही पनि भ्रममा पर्न नहुने बताए । उनले विप्लवमाथि बाम खोल ओढेको दक्षिणपन्थी संशोधनवादीको आरोप लगाए ।
