- मंगलबार, ४ चैत, २०८१
जाजरकोट, ९ पुस– जाजरकोटका पहिरोबाट घरजग्गाविहीन बनेका परिवार चार महिनादेखि पालमा कष्टकर जीवन बिताउन बाध्य भएका छन् ।
जिल्लाको रामीडाँडा गाविसमा गत साउन २८ गते बिहान आएको पहिरोले यहाँका केही घर आँशिकरुपमा भत्किएका थिए भने केही घर पूर्णरुपमा क्षतिग्रस्त भएका थिए ।
पूर्णरुपमा घर क्षति भएका घरका परिवार अहिले पुसको चिसोमा कठ्याँग्रिएर पालमुनि वास बस्न बाध्य छन् ।
रामीडाँडा ९ का हस्तवीर विकका चार, नरबहादुर विकका तीन, कर्णबहादुर विकका पाँचजनाको परिवार चार महिनादेखि चिसोमा कठ्याङ्ग्रिँदै पालमुनि वास बसिरहेका छन् ।
उनीहरुसँग अहिले रेडक्रसले बाँडेका भाँडाकुँडा, पाल र कम्बलबाहेक अरु केही छैन । रासस
