- बिहीबार, २४ असोज, २०८१
काठमाण्डु, ९ पुस -सार्वजनिक यातायातका साधनको यात्रु भाडा दर घटाउने सरकारको निर्णय मंगलबारदेखि लागू भएको छ । सरकारको भाडाँ निर्णय लागु भएसंगै यसको विरोधमा रहेका विधार्थी संगठन भने बिरोधमा उत्रने भएका छन् ।
१३ विधार्थी संगठनको संयुक्त बैठकबसी बिरोधका कार्यक्रम सार्वजनिक गरिने अखिल क्रान्तिकारिका केन्द्रिय उपाध्यक्ष रमेश मल्लले जानकारी दिए ।
सार्वजनिक यातायातका साधनमा प्रयोग हुने इन्धन डिजेलको मूल्य चार महिनायता पटकपटक गरी १३ रुपयाँले घटेपछि सार्वजनिक यातायातका साधनको भाडा घटाउनुपर्ने आवाज चौतर्फी उठ्न थालेपछि सरकारले भाडा घटाउने निर्णय गरेको थियो ।
तर विधार्थी संगठनले भने सरकारले भाडा दर कम घटाएको भन्दै पटक पटक सरकारको ध्यानआकर्षण गराउँदै आइरहेका छन् ।
यातायात व्यवस्था विभागको सिफारिसमा सरकारले एकदेखि २.७३ प्रतिशतसम्म भाडा घटाएको छ ।
नयाँ भाडादरअनुसार यात्रुबाहक सवारी साधानमा एक प्रतिशत, ढुवानीतर्फ तराईमा चल्ने ट्रक तथा कन्टेनरमा २.०७ प्रतिशत र पहाडमा चल्नेमा २.७३ प्रतिशत भाडा घटेको जनाइएको छ ।
