- आइतबार, ४ जेठ, २०८२
विराटनगर, ७ पुस–मोरङमा सोमबार बिहान जङ्गली हात्तीको आक्रमणबाट एक महिला घाइते भएकी छन् भने हात्तीले तीनवटा घरसमेत भत्काएको छ ।
पथरी ८ स्थित भुटानी शरणार्थी शिविरमा पसेका हात्तीको समूहले ३० वर्षीया बुनुमाया सुवेदीलाई घाइते बनाएको पूर्व क्षेत्रीय प्रहरी कार्यालय विराटनगरले जनाएको छ ।
सोही शिविरका रामबहादुर राई, दिलबहादुर राई र गोपाल सुवेदीको एक–एकवटा गरी तीनवटा घर भत्काएको हो ।
नेपालको पूर्वी क्षेत्रबाट प्रवेश गरेका ती भारतीय जङ्गली हात्तीलाई नजिकको स्थानीय र प्रहरीले जङ्गलतर्फ लखेटेका छन् । रासस
