- मंगलबार, २९ असोज, २०८१
काठमाण्डु, ७ पुस– काँग्रेस–एमालेसँगको वार्ता भाँडिएपछि एमाओवादी नेतृत्वको १९ दलीय मोर्चा आन्दोलनको तयारीमा जुटेको छ ।
आन्दोलनका कार्यक्रम तय गर्न आज अपराह्न मोर्चाको बैठक बस्दैछ । बैठकमा एमाओवादी महासचिव कृष्णबहादुुर महरा नेतृत्वको कार्यदलले आन्दोलनको खाकासहतिको प्रतिवेदन बुझाउने छ ।
यसअघि आइतबार बसेको मोर्चाको बैठकले काँग्रेस–एमाले गणितीय खेलमा लागेकाले सहमतिमा संविधान बन्ने सम्भावना सकिएको निष्कर्षसहित आन्दोलनमा जाने निर्णय गरेको थियो ।
बैठकले सडक र सदनमा गर्ने आन्दोलनका कार्यक्रम घोषणा गर्ने सम्भावना रहेको मोर्चा घटक मधेसी जनाअधिकार फोरमका अध्यक्ष उपेन्द्र यादवले काठमाण्डु टुडेलाई जानकारी दिए ।
