- मंगलबार, ४ चैत, २०८१
काठमाण्डु, ५ पुस–प्रमुख प्रतिपक्षी दल एकीकृत नेकपा माओवादी नेतृत्वको सङ्घीय लोकतान्त्रिक गठबन्धनले माघ आठ भित्रै संविधान ल्याउनका लागि सत्तारुढ दलसँग हदैसम्मको चलकता अपनाउने निर्णय गरेको छ ।
एमाओवादी संसदीय दलको कार्यालय सिंहदरबारमा शनिबार बिहान बसेको गठबन्धनको बैठकले संविधानका विवादित विषयमा लचकताका साथ सहमति खोज्ने र त्यो नभए अन्य विकल्प रोज्ने निर्णय गरेको हो ।
बैठकमा सहभागी नेपाल सद्भावना पार्टीका सहअध्यक्ष लक्ष्मणलाल कर्णले संविधानका विवादित विषयमा सत्तारुढ दलले पनि सकारात्मक छलफल अघि बढाएकाले सहमतिका लागि अन्तिम प्रयास गर्ने र नभए अन्य विकल्पमा जाने निर्णय भएको जानकारी दिए ।
