- बुधबार, १२ चैत, २०८१
काठमाण्डु, २ पुस– राष्ट्रिय ध्वजावाहक नेपाल वायुसेवा निगमले चीनबाट अनुदानमा प्राप्त दोस्रो जहाजले बिहीबारबाट नियमित व्यापारिक उडान गर्ने भएको छ । यो जहाजको पहिलो गन्तव्य पोखरा रहेको छ ।
पोखराका लागि दैनिक दुई उडान राखिएको निगमले जनाएको छ । पहिलो उडान बिहान ८ बजे र दोस्रो दिउँसो २ बजेलाई राखिएको छ । पोखराबाट बिहान ९ :१० बजे र दिउँसो ३ :१० बजे फर्कने तालिका बनाइएको छ ।
निगमले भाडा दर प्रतियात्रु ३ हजार १० रुपैयाँ तोकेको छ । प्रवद्र्धनात्मक भाडा दर सम्पूर्ण करसहित भएको निगमले जनाएको छ । विदेशी यात्रुका लागि भने करसहित ९० अमेरिकी डलर तोकिएको छ ।
निगमले गत कात्तिक १७ मा चीनबाट ल्याएको १८ सिट क्षमतायुक्त ‘वाई १२–ई’ जहाजले हालै उडानयोग्यता परीक्षण उडान र ‘प्रुभिङ फ्लाइट’ गरेको थियो
नागरिक दैनिकबाट
