- बुधबार, ३० असोज, २०८१
काठमाण्डु, २७ मंसिर–राजधानीमा चोरी आतंक मच्चाउँदै आएका अधिकांश चोर पक्राउ परेका छन् ।
राजधानीमा चोरीलाई नै पेशा बनाउँदै आएका २५ चोर पक्राउ परेका हुन् । प्रहरीले पक्राउ गरेकोमध्ये सुवास नेपाली समूहको शैली अलि फरक छ ।
चलाखीपूर्वक चोर्ने उनीहरुले मोजमस्तीमै पैसा उडाउने गर्थे । प्रहरीका अनुसार चोरी गर्ने घरमा कसैलाई खोज्न आएको बताएर उनीहरु छिर्ने गर्थे । यदि घरमा मान्छे भेटिए कुनै व्यक्तिको घर भन्ठानेर आएको बताउने गरेका थिए ।
चोरेपछि ट्याक्सीमा भाग्ने उनीहरु गेस्टहाउसमा बस्ने गर्थे । चोरीको सामान बेचेपछि मोजमस्ती गर्न डान्सबार जान्थे । कतिपय चोरीकै गहना डान्सबारमा युवतीहरुलाई टिप्सका रुपमा दिने गरेको अनुसन्धानमा आबद्ध प्रहरी अधिकारीले बताएका छन् ।
पक्राउ परेका उनीहरुको साथबाट सात तोला सुनका गरगहनालगायतका विभिन्न धनमाल प्रहरीले बरामद गरेको छ । दुई महिनादेखि उनीहरु बागबजारको स्वागतम गेष्टहाउसमा बस्दै आएका थिए ।
गिरोहका नाइके नेपाली गत जेठमा बानेश्वर बृत्तबाट पक्राउ परेकामा अदालतले उनलाई १४ हजार धरौटीमै छाडिदिएको थियो ।
छुटेपछि गिरोह नै बनाएर उनले धन्दा अघि बढाएका थिए ।
नयाँ पत्रिकाबाट
