काठमाण्डु, १ मंसिर – मानव अधिकारकर्मी नेता पदमरत्न तुलाधरको नेतृत्वमा गठित अादिवासी जनजाति राष्ट्रिय आन्दोलन र नेपाल आदिवासी जनजाति महासंघबीच संयुक्त आन्दोलन गर्ने सहमति भएको छ ।
जातीय पहिचान सहितको संघीयताका लागि आन्दोलन गर्न अघिल्लाे साता गठित तुलाधर नेतृत्वकाे समिति र नागेन्द्र कुमाल नेतृत्वकाे महासंघबीच साेमबार आदिवासी जनजाति पत्रकार महासंघ फोनिजको पहलमा वार्ता भएकाे थियाे ।
कुमाल र तुलाधरकाे संयुक्त हस्ताक्षरामा जारी वक्तव्यमा जातीय पहिचान सहितको संघीय संविधान जारी गर्ने मुद्दामा एक भएर आन्दोलन गर्ने सहमति भएको उल्लेख छ । आन्दोलनको स्वरुप र कार्यक्रमबारे थप छलफल गर्ने वक्तव्यमा जनाइएको छ ।
यसअघि महासंघसँग सल्लाह नगरी तुलाधर नेतृत्वमा राष्ट्रिय आन्दोलन घोषणा गरिएपछि महासंघका पदाधिकारी बिभाजित थिए ।