- बुधबार, १२ वैशाख, २०८१
काठमाण्डु, १ कात्तिक- एमाले नेता माधवकुमार नेपालले अमेरिकी राष्ट्रपति बाराक ओबामालाई नेपालीले योग सिकाउनुपर्ने बताएका छन् ।
काठमाण्डुमा जारी योग विज्ञान शिविरमा बोल्दै नेता नेपालले ओबामाले रुची राखेकाले उनलाई योग सिकाउनुपर्ने बताएका हुन् ।
उनले योगको महत्वबारे संसारभर सिकाउनुपर्ने उल्लेख गरे । ‘योगको महत्वबारे संसारभर नेपालीले सिकाउनुपर्छ’, नेपालले भने, ‘ ओबामाले पनि योगमा रुची राखेका छन्, यस्तै योग अमेरिकामा पनि सञ्चालन गर्नुपर्छ ।’
योगले मानिसको रोग निको हुने तथा दीर्घायु र स्वस्थ जीवन प्राप्त गर्ने उनले उल्लेख गरे । उनले आफूसँग भएको भेटका क्रममा ओबामाले निकै महत्व दिएको सुनाए ।
आफूलाई ओबामाले दिएको महत्वबारे पाकिस्तानी राष्ट्रपति, बंगलादेशी प्रधानमन्त्री र फिनल्याण्डका राष्ट्रपति चकित भएको उल्लेख गरे । उनले ओबामालाई आफूले कालो पत्थर उपहार दिएको बताए । उनले ओबामाले दिमाग तेजिलो रहेको उल्लेख गरे ।
