- आइतबार, २२ असार, २०८२
रौतहट, ३१ असोज – भारतबाट २१ नेपाली बालकलाई भारतीय प्रहरीको सहयोगमा उद्धार गरिएको छ ।
भारतीय सहर बैंग्लोरेको डिजेअली भन्ने स्थानमा रहेको ब्याग बनाउने कारखाना र मुम्बइका विभिन्न कारखानाहरुमा जोखिमपूर्ण काम गरिरहेका १० देखि १५ वर्ष उमेरका २१ जना बालबालिकालाई जिल्ला प्रहरी कार्यालयमा अभिभावकको जिम्मा लगाइएको छ ।
भारतको बैगलोरमा रहेको डिजेअली भन्ने ठाउंमा रहेको झोला कारखानामा काम गरीरहेको अवस्थामा भारतीय प्रहरीले छापामारी गरी नेपाली र भारतीय गरी ६८ जना बालकहरुको उद्धार गरेको थियो । जसमध्ये रौतहट जिल्लाका २० र बाराको १ जना बालकहरु छन् ।
मुज्जफरपुरमा बाल गृह संचालन गर्न जिम्मेवारी पाएका निर्दोष नामक संस्थाले बालकहरुलाई नेपाल फर्काउन जिल्ला बाल कल्याण समिती रौतहट र महिला तथा बालबालिका सेवाकेन्द्र रौतहटलाई जानकारी गराएको थियो ।
