- शनिबार, १३ असार, २०८३
काठमाण्डु, २० भदौ– प्रधानन्यायाधीश दामोदरप्रसाद शर्माले एमाओवादी पूर्वसभासद बालकृष्ण ढुंगेललाई कर्तव्य ज्यान मुद्दामा सजाय तोक्ने गरी 
भएको अन्तिम फैसला कार्यान्वयनका लागि दिएको रिट निवेदन हेर्न नभ्याएको कारण देखाएर इजलासबाट पन्छाएका छन् ।
उक्त मुद्दा प्रधानन्यायाधीश शर्मा, न्यायाधीश दीपकराज जोशी र चोलेन्द्रशमशेर राणाको विशेष इजलासमा सुनुवाइका लागि पेसी तोकिएको थियो । रिटमा अन्तिम सुनुवाइका लागि पुगेका कानुन व्यवसायी हेर्दाहेर्दै को सूचीबाट हटाउन आदेश भएको देखेर आश्चर्यमा परे ।
रिट हेर्न नभ्याइने भएका कारण हेर्दाहेर्दैको अवस्थाबाट हटाएर नियमअनुसार सुनुवाइका लागि पेश गर्न इजलासबाट प्रशासनलाई आदेश भएको छ ।
ढुंगेललाई कारबाहीका लागि २०६८ साल मंसिर ७ गते दायर भएको उक्त रिटमा अब पुनः सुनुवाई गर्नुपर्ने भएको छ ।
अन्नपूर्ण पोष्टबाट
