- शुक्रबार, १२ असार, २०८३
चितवन, २७ साउन – चितवनका सहायक वन अधिकृतले यहाँको रामनगरस्थित जङ्गलमा आत्महत्या गरेका छन् ।
भरतपुर–१० निवासी सहायक वन अधिकृत ४४ वर्षीय रविप्रसाद तिमिल्सिनाले आत्महत्या गरेको चितवनका निमित्त प्रमुख जिल्ला अधिकारी शिवराम गेलालले जानकारी दिए ।
भरतपुर नगरपालिका–१ स्थित सतनचुली सामुदायिक वनभित्र रूखमा झुन्डिएको अवस्थामा सोमबार साँझ उनको शव फेला परेको जिल्ला प्रहरी कार्यालयले जनाएको छ ।
दाउरा खोज्न गएका स्थानीयले शव देखेपछि प्रहरीलाई खबर गरेका थिए । उनको शवलाई अहिले परीक्षणका लागि भरतपुर अस्पतालमा राखिएको छ ।
प्रहरीले घटनाको अनुसन्धान भइरहेको जनाएको छ । तिमिल्सिना देवघाटमा सहायक वन अधिकृतका रूपमा कार्यरत थिए ।
