भट्टराई पक्षले दाङमा बनायो नयाँशक्ति प्रबाहीकरण समिति

दाङ, २५ साउन– एकीकृत माओवादीको जारी विवाद समाधानको प्रयासमा केन्द्रमा शीर्ष नेताबीचको छलफल सकारात्मक बनेकै बेला जिल्ला जिल्लामा भने सानान्तर कमिटी निर्माणलाई तीव्रता दिएको छ ।
पछिल्लो पटक भट्टराई पक्षले आइतबार दाङमा समानान्तर कमिटी गठन गरेको हो । दाङमा थारुवान राज्य समिति सदस्य धीरज शेर्पाइलीको संयोजकत्वमा समानान्तर कमिटी गठन गरिएको हो ।

समितिले नयाँ शक्ति प्रवाहीकरण समितिको नाम दिइएको छ । उक्त समितिले गाउँदेखि, क्षेत्र र  जिल्लाभर नयाँ शक्तिबारे प्रचार–प्रसार गर्ने जनाएको छ ।
नयाँ शक्तिका विषयमा जनताहरुलाई जानकारी गराउन क्षेत्र नम्बर-१ मा नरेन्द्रमान केसी, रामलाल खनाल, क्षेत्र नम्बर–२ मा रमेश हिताङगी, प्रमोद मगर र संगम, क्षेत्र  नम्बर–३ मा आँधी र महेश मल्ल, ४ नम्बरमा ध्रुव आचार्य, कृष्ण बैरागी र आकाश डाँगी तथा क्षेत्र नम्बर–५ मा महेश वली र गोविन्द भण्डारीको संयोजकत्वमा नयाँ शक्ति विचार समूह गठन गरिएको छ ।