- मंगलबार, ४ चैत, २०८१
काठमाण्डु, – इजरायलले प्यालेस्टिनी नागरिकमाथि गरेको मानवताविरोधी गतिविधिविरुद्ध नेपालका साहित्यकार, कलाकार तथा पत्रकारहरुले हस्ताक्षर सङ्कलन गरेका छन् ।
बिहिबार करिब एक सय जनाले हस्ताक्षर गरी उक्त कार्यको विरोधमा ऐक्यबद्धता जनाएका हुन् ।
हस्ताक्षरको सुरुवात साहित्यकार खगेन्द्र सङ्ग्रौलाले गरेका थिए । हस्ताक्षर गर्नेमा साहित्यकार सङ्ग्रौलासहित श्यामल, कलाकार सुनिल पोखरेल, दयाहाङ राई, राजन खतिवडा तथा विभिन्न राष्ट्रिय दैनिक पत्रपत्रिकाका पत्रकारहरु थिए ।
साहित्यकार सङ्ग्रौलाले उक्त सङ्कलित हस्ताक्षर कुनै पनि राजदूतावास वा अन्य निकायमा नबुझाइने तर मिडियामार्फत सार्वजनिक गरिने बताए ।
सो अवसरमा प्यालेस्टिनी कवि महमुद दाहरिकको कवितालाई नेपालीमा वाचन गरिएको थियो ।
विरोध स्वरुप दिउँसो ३ देखि ४ बजेसम्म संयुक्त राष्ट्र सङ्घको नेपालस्थित कार्यालय हरिहरभवनमा धर्ना दिने कार्यक्रम छ ।
