- सोमबार, १७ वैशाख, २०८१
रसुवा, ४ साउन – धुन्चे गाविसको माथिल्लो भागमा हालै स्थापित चिज उत्पादन केन्द्रले आफ्नो उत्पादन कार्य अगाडि बढाएको छ ।
चिज केन्द्र प्रमुख पूर्णबहादुर जिरेलका अनुसार गत वैशाखदेखि सञ्चालनमा आएको पाङ्लेखर्क केन्द्रले अहिलेसम्म चार हजार ५०० केजी चिज र ९०० केजी मक्खन उत्पादन गरी केन्द्रीय भण्डार लैनचौरमा पठाइसकेको छ ।
समुद्री सतहबाट दुई हजार ७४१ मिटरको उचाइमा अवस्थित नयाँ चिज उत्पादन केन्द्रमा दूध दिने चौँरीगाईको सङ्ख्या ५०० पुगिसकेको बताइएको छ । यहाँ ३१ किसान चौँरीपालन कार्यमा संलग्न छन् ।
दैनिक ६०० लिटर दूध उपलब्ध गराएबापत यहाँका किसानलाई मासिक नौ लाख भुक्तानी हुने गर्छ । रासस
